ديور جيفنشى وشانيل و ايف سان لوران وجوتشي < الى متى بركض وراهم ؟ دون أهتمام لأسعارهم
3 مشترك
كاتب الموضوع
رسالة
~بنوتة المملكة~ عضو جديد
عدد الرسائل : 14 العمر : 34 العمل/الترفيه : shopping.traveling المزاج : co0o0ol تاريخ التسجيل : 05/03/2009
موضوع: ديور جيفنشى وشانيل و ايف سان لوران وجوتشي < الى متى بركض وراهم ؟ دون أهتمام لأسعارهم الخميس مارس 05, 2009 8:37 pm
ديور وجيفنشى وشانيل و ايف سان لوران وجوتشي ..... وغيرها كثير
راح أقولكم قصه حقيقيه من أرض الواقع وأترك لكم التعليق
فيه أختين وحده منهم ماخذه واحد ملياردير ومعروف بالغنى والثانيه ماخذه واحد ميسور الحال
المهم الأخت اللي ماخذه واحد ع قد حاله عجبتها شنطه من جفنشي ونفسها فيها المهم أزعجت زوجها وترجته أنه يشتري لها الماركه بس هو رفض وقال مستحيل أشتريها بهالسعر المهم البنت حلفت الا تشتريها وقعدت تجمع القرش ع القرش لحد ماوصلت الفلوس اللي معها سعر الشنطه وأخيرا راحت وشرتها وجااات المناسبه اللي كانت تنتظرها من زمان كله عشان تلبس هالشنطه المهم لبستها وكشخة وقعدت تدور بالقاعه وماأرتاحت تمشي من طاوله لطاوله كله عشان الناس يشوفون الشنطه ومابين هي تنتقل شافت أختها المليونيره معاها نفس الشنطه ولما سألتها عرفت أن أختها شاريتها من تقليد وأنقههههههرت ع حالها وغئبائها الحين أختها تقدر تشتري هالشنطه من الماركه بس راحت للتقليد واللي قهرها أكثر أن العالم بعد ماشافوا أختها فكروا أنها هي اللي من التقليد وأختها من ماركه لأنهم يعرفونها ماديتها مو ذاك الزود اللي يخليها تشتري من ماركه
والحين راح أعطيكم رايي و وأتمنى أسمع أرائكم بعد بكل صراحه
هل وصل فينا الترف والتبذير لهالدرجه ؟؟
الى متى نركض ورا الماركات العالميه دون أن نعير الأسعار أهتمامنا وصلت أسعارهم لدرجة الجنون وأحنا ولا تحرك داخلنا شي
كل همنا كيف أقهرفلانه لأنها شرت شنطه ماركه وكيف أقهر علانه لأنها شرت الشنطه اللي كان ودي فيها وأّذا الوحده تبي تلفت النظر شرت شنطه بــ 1000 والا بــ2000 هذا وفي أغلى دون أن تفكر بالشي اللي تسويه صرنا نشتري من الماركات بأسعار غااااااااااااااليه دون أن نفكر بأنه حرام الى متى هالتبذير << الحين أنا أشوف الحريم بعايلتنا منهبلين عليها وسوالفهم قايمين قاعدين ع هالماركات وأشكالها والله أنا عن نفسي ماأشوف أن فيها شي غير عن الماركات الباقيه بس لأن فيها أسم الماركه العالميه يعني الحريم بالمجتمع صاروا يتنافسون ع الماركات العالميه وحتى لو كانت هالحرمه حالتها الماديه وحالة زوجها مو ذاك الزود مستعده تبيع كل شي تملكه عشان شنطه << تخلف لأبعد الحدود يعني معقوله أفكر أني أضيع فلوس زوجي المسكين بس عشان شنطه مصيرها بتروح موضتها وبرميها << لاتفكرون أنه بخل بس والله حرام أحنا ماعمرنا فكرنا ونظرنا للمستقبل تخيلوا حل عليكم عقاب رب العباد وماقدرتوا تشترون حتى الخبزه اللي بريال يعني نشتري شنطه بألف ألفين ثلاثه بالكثير بس ماتوصل للعشره والعشرين والثلاثين ماعليه مو من قل الماراكات فيه ماركات كشخه وشيــــــــــــك وتجنن بس ماتوصل هالأسعار خلونا نكبر عقولنا شوي حتى لو عندك ملايين الدنيا هالشي مايخيليك تبذرين وتسرفين بهالشكل ورب العباد سبحانه قال {وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}خلونا نشوي نوقف الماركات عند حدها أحنا مو أغبياء لهالدرجه الظاهر لو الماركات وصلت أسعارها للمليون شرينا وهالشي هو اللي مخل يهالماركات تتمادى بالأسعار
أعزائي أنا ماكتبت هالموضوع الا خوف من عقاب الله يحل علينا وقبل لاتشترين بهالسعر فكري أنه بيوم هالفلوس ماراح تدوم لك
صدقوني هذا مو بخل << والله أني خايفه من عذاب الرب الجبّار يحل علينا وأنا قلت رايي بكل صدق لأني أنسانه صريحه وماحب المظاهر
والحين أبي كل وحده تقولي راييها بهالماركات والأسعار المجنونه ؟
وهل هي من المؤيدين لهالشي ؟
بنت البحرين مديرة المنتدى
عدد الرسائل : 113 العمر : 32 الموقع : https://bh-girls12.yoo7.com العمل/الترفيه : الرياضة المزاج : كوول على توول تاريخ التسجيل : 07/07/2008
موضوع: رد: ديور جيفنشى وشانيل و ايف سان لوران وجوتشي < الى متى بركض وراهم ؟ دون أهتمام لأسعارهم الخميس مارس 05, 2009 9:08 pm
الصراحة انا راي ان التبذير حرام و يعني مو لازم ناخذ شنطة بالسعر ذي في شناط كوبي ون نفس الشي ماتشكين فيهم كلش
تسلمين حبيبتي على الموضوع المميز
~بنوتة المملكة~ عضو جديد
عدد الرسائل : 14 العمر : 34 العمل/الترفيه : shopping.traveling المزاج : co0o0ol تاريخ التسجيل : 05/03/2009
موضوع: رد: ديور جيفنشى وشانيل و ايف سان لوران وجوتشي < الى متى بركض وراهم ؟ دون أهتمام لأسعارهم الخميس مارس 05, 2009 11:06 pm
الحيــن اصــلا الكــوبــي 1 كــلش ماتـــختــلف عن المـــاركـــة الاصليــة من برع بس الداخـــل يــعني من بيطــل داخــل الشنــطــة غيــر الفـضـــولــي ....
هالفلوس ماراح تدوم لك 
....
